LEGAZPI CITY-Pig-reactivate na an Task Force El Niño sa banwaan kan Camalig, Albay bilang pag-andam sa malalang epekto kan tag-mara.
Segun ki Mayor Caloy Baldo, sa sa intrevista kan Bombo Radyo Legazpi na nagtao na man sinda nin mga pananom mantang igwa pang pag-uuran, ngani makapagtanom an mga residentes asin madali na ining maharvest antes an tag-mara.
Pig-aabisuhan man an publiko na pilion an pananom na dae masyadong kaipuhan nin tubig.
Pig-asigurar man kan opisyal na dakol an sources kan tubig sa saindang lugar asin igwang nakalatag na lakdang para digdi.
Abiso man sa publiko na maghanap nin iba pang mapagkukuahan na water suplay asin mag-antabay kan aktuwal na sitwasyon ngani makapagtao nin magkakanigong solusyon.
Mientras tanto, idineklarar na bilang ASF-free an banwaan kan Camalig sa presente asin padagos an saindang monitoring ngani siertong dae na madanyaran kan helang an mga urig sa saindang lugar.
