LEGAZPI CITY-Nagpoon na an Department of Social Welfare and Development (DSWD) sa paglalaag nin community-based water filtration system sa Tondo, Maynila, ngani mapahewas an access kan mga residente sa malinig na inumong tubig huli sa nagdadangadang na huma kan Super El Niño.
Sa paagi kan community water depot sa Barangay 105, Zone 8, mas mapapadali an pagkua nin malinig na tubig para sa mga residente sa lugar.
May kapasidad ini na nasa 2,000 liters an tangke kan pasilidad asin kayang magpano nin sarong 20-liters na laagan sa laog nin humigit-kumulang 20 minutos.
Obheto kan inisyatiba na makatabang sa pagtugon sa pangangaipohan kan mga komunidad para sa malinig na tubig, orog na kun makaaapektar sa suplay an posibleng paglala kan tag-mara huli sa Super El Niño.
