LEGAZPI CITY- Nagpagirumdom an Albay Veterinary Office sa publiko, partikular sa mga hog raisers na padagos na sunudon an biosecurity.
Ini an sa ibong kan pagdedeklarar liwat bilang African Swine Fever (ASF) free kan provincia.
Segun ki Albay Veterinarian Dr. Pancho Mella sa intrevista kan Bombo Radyo Legazpi na padagos an pagpapagirumdom kan ahensya sa komunidad dapit sa importansya kan biosecurity.
Pinayuhan man kaini an mga hog raisers dae basta-basta magpalaog sa saindang farm ngani na maibitaran an helang na nagtatama sa mga ataman na urig.
Mientras tanto, sinierto man kan opisyal na igwang bastanteng suplay nin urig sa provincia kan Albay katakod kan nagdadangadang na holiday season.
