Inako ni Interior Secretary Jonvic Remulla na nagtatago sa Mindanao si Senator Ronald ‘Bato’ Dela Rosa.
Sinabi kan opisyal na pigpo protehiran ini kan maimpluwensiyang grupo.
Padagos suboot an pigigibong negosasyon sa grupo na nagkupkop sa senador ngani na maibitaran an anuman na madugong engkwentro.
Dugang pa kaini na posibleng umabot sa 10,000 katawo an magadan enkasong magkaigwa nin engkwentrro sa pagultangan kan mga otoridad asin sa grupo na nagkupkop sa senador.
Marurumduman na enot nang sinabi ni Remulla na pwedesir na mauli sa madugong engkwentro enkasong piriton kan mga kapulisan na laugon an kuta na pinagtataguan suboot kan senador, huli ta dati ining hepe kan Philippine National Police (PNP).
Si Senator Dela Rosa an igwang warrant of arrest hali sa International Criminal Court huli sa crime against humanity huli sa pagiging hepe kan PNP kan panahon ni dating Presidente Rodrigo Duterte sa kampanya kaini sa iligal na droga.
