LEGAZPI CITY-Nakapagrehistro nin panibagong pag-aalburoto an bulkang Taal makalihis an duwang magkakasunod na phreatic eruption asin pagdakol kan volcanic earthquake sa laog nin 24 oras, susog sa report kan Philippine Institute of Volcanology and Seismology (PHIVOLCS) ngonin na aldaw nin Lunes, Oktubre 19, 2026.
Sa ipinaluwas na na bulletin kan PHIVOLCS, an mga steam-driven eruption o an pig-aapod na “pusngat”, an nangayrri kan banggi nin Domingo , Oktubre 18, bandang alas-7:31 asin alas-7:36 kun saen nagbuga ini nin aso asin nag-abot sa 300 metro an langkaw sa ibabaw kan main crater lake.
Afuera sa duwang minutong paglataw kan mga phreatic eruption, nakapagrehistro man an PHIVOLCS nin 43 volcanic earthquakes, an pinakahalangkaw na nairehistro sa laog kan sarong aldaw ngonian na bulan, kaiba na an sampulong serye nin volcanic tremor na naghaloy nin hasta hanggang apat na minuto.
Sa ibong kan mga nairehistrong pagyugo asin pagbuga nin usok, magtetenir sa Alert Level 1 an bulkang Taal na nangangahulugang nasa hababang level nin unrest, alagad nagpatanid an mga otoridad na magtenir man liwat nakaalerto huli sa huma kan biglaang mga pagsabog.
Nagpagirumdom man an PHIVOLCS na mahigot man liwat na ipinagbabawal an paglaog sa Taal Volcano Island, an paglalayag sa Taal Lake, asin an pagpapalupad nin anumang sasakyang panghimpapawid harani sa crater kan bulkan.
