LEGAZPI CITY-Pigbisto an Filipino film na “Ria” sa Heart of Eurasia Award sa kakatapos pa sanang 31st Busan International Film Festival sa South Korea.
Ini sa direksiyon ni Filipino filmmaker Arvin Belarmino, kun sain nagkaigwa nin world premiere sa Busan International Film Festival sa South Korea, sa irarom kan Vision Asia section.
An 95 minutos na pelikula igwang co-production gikan sa manlaen-laen na nacion, kabale an Pilipinas, Netherlands, Norway, Saudi Arabia, asin Japan.
Dae man nakaatendir an producers kaini asin an aktres na sinda Sylvia Sanchez asin Grace Ann Casimsiman sa nasabing awards night huli ta tulos sindang nagbalik sa Pilipinas makalihis an opening rites.
An lead actress na si Nour Hooshmand an kaiba man ninda digdi.
Mientras tanto, na-feature man an iba pang Nathan Studios films sa nasabing festival, kabale an “Nagi Notes” , “Filipiniana,” na entry kan Pilipinas para sa 99th Academy Awards.
