LEGAZPI CITY-Nagsagibo nin pag-atake an mga Israeli settlers sa convoy kan European diplomats asin binugbog an French mayor sa West Bank.
Nagpatanid man si US Secretary of State Marco Rubio mapadapit sa naglalalan tensyon sa teritoryo makalihis an pag-atake man sa American photojournalist na nagresulta sa pagka-irido kaini.
Nagpoon an mga bayolenteng insidente antes pa man an October 27 elections, na kasabay kan taonan na olive harvest kan mga Palestinian, na paorootrong nadisturbo kan mga Israeli settlers, mantang si Prime Minister Benjamin Netanyahu naghihingoang pakusugon an saiyang pro-settlement right-wing base.
Kan nakalihis na Sabado, sinabi kan 78-anyos na mayor na an mga nakamaskara na mga settlers, nagkurahaw nin mga nakakaraot na komento manungod sa France asin tinamaan siya nin mga baras na bakal, mantang siya nag-ayon sa Palestinian olive farmers sa West Bank, kaiba an mga West Bank alongside top French asin Belgian representatives sa Jerusalem asin Polish diplomats.
Sinabi man ni Bernard Baudoux, an mayor kan northern French town sa Aulnoye-Aymeries, na nagigin arog kaini an mga settlers huli sa tolerance sa parte kan Israeli government.
An nasabing mga pag-atake, ginibo sarong aldaw antes na mabugbog man si Heidi Levine, an American photographer sa The Washington Post, na nasa ospital pa hasta sa ngonian.
