LEGAZPI CITY-Ipighayag ni PDEA Asec. Renato Gumban, na nagkapirang persons of interest an pigiimbestigaran katakod kan eroplanong gikan sa Malaysia na nasabat kan mga awtoridad sa Laos.
Kaiba digdi an piloto na si Capt. Boyet Toledo, policewoman na si Aileen Mendoza, Sultan Rimbang asin operations manager na si Christian Fabrigas.
Segun kay Gumban, may nangayri suboot na transaksiyon nin kwarta katakod kan operasyon kan eroplano antes pa man ini nasabat sa Laos.
Duwang semana antes an nasabing insidente, nakaresibe na an PDEA nin impormasyon gikan sa Malaysia mapadapit sa duwang shipment.
Padagos man an imbestigasyon asin pwedisir pang madagdagan an mga person of interest.
