Magigin parte an 539 kaparientes kan mga suboot biktima ng extra judicial killings sa irarom kan administrasyong Duterte sa nagpapadagos na trial sa International Criminal Court.
Obheto kan saindang partisipasyon an ipahilng kun pano pigkakahampang kan mga naulilang pamilya an saindang pangungulila, kadifisilan, segun sa sarong trial brief na ipinasa kan saidnang common legal representative kan October 13 sa ICC.
Ipigladawan man kan 108 pages kung pano man pigkakahampang kan mga naulilang pamilya ang psychological distress asin an kakulangang pinansyal makalihis magadan an saindang kaparientes sa EJK sa irarom kan administrasyong Duterte.
Haros 190 man sa mga nagadan o subjected to attempted killing an mga breadwinners segun sa mga representatives. Mantang an iba sainda an nagdedelensya sana nin P100 kada aldaw, bago sindang magadan.
Gabos kan 539 na biktima an nagpahayag nin pagkakaigwa nin psychological harm, kabale an matinding pighati, pagkabalisa, dagit, kamunduan, kawaran nin paglaom, asin social isolation.
Iniladawan man kan representative ang epekto kainio sa mga joven na nakahiling kan pangyayari, an iba an na-bully asin nakaeksperyensya nin kasusupgan huli sa pagkakadawit kan mga ini sa miyembro kan pamilya sa imbuelto suboot sa ilegal na droga.
