LEGAZPI CITY-Dae tugot an sarong dating Kabataan Partylist Representative sa propwestong ley na nagbabawal sa mga menor de edad na maggamit nin social media.
Marurumdumang pasado na sa ikatulo asin huring pagbasa sa Senado an Safe Media Access and Responsible Technology for Kids in Digital Spaces o (Smart Kids Act) na mantinidong nagbabawal sa mga jovenes na edad 18 pababa na maggamit nin social media.
Segun ki dating Kabataan Partylist Representative Raoul Manuel, sa intrevista kan Bombo Radyo Legazpi na kaipuhan munang balikan an problema kun sain nagpoon ini, sa pag-access kan mga jovenes sa mga badil.
Pigtutukan suboot kan ley an restriksyon sa pag-acess kan mga menor de edad sa social media, mantang dapat pigtutukan an karaniwan na konektado sa gobierno na igwang lisensya nin badil, kun kaya nagkaigwa nin access an kabataan.
Dapat suboot na pig-enot na maresolberan ini antes an pagbabawal sa social media.Tinawan doon ni Manuel na pamilyar an ley, siring kan ‘Sim Card Registration Act’, alagad sa presente lakop man giraray an scams.
Sinabi niya na sa realidad, siring kaini an mangyayari sa propwestong ley asin posibleng dai ini magin epektibo.
Pinaglaoman man niya an pagkondusir kuta muna nin pag-aadal sa mga joven na naggagamit nin social media antes an pag-apruba kan ley.
Sinaysay man niya na importante sa mga jovenes an social media para sa komunikasyon asin pag-aadal, asin mas matimbang an kadakol na maapektaran kun ipagbabawal ini.
