LEGAZPI CITY-Ipigbuyagyag kan National Bureau of Investigation (NBI) Director na si Melvin Matibag na sarong resort an sarong agricultural land na pigdeklara sa Statement of Assets, Liabilities, and Net Worth (SALN) ni Bise Presidente Sara Duterte, basado sa imbestigasyon na ginibo kan ahensya sa property site kaini.
Saro sana suboot ini sa 14 real estate properties na ideklara sa SALN kan Bise Presidente, na kabali man an sarong propriedad sa Don Bosco asin iba pang lokasyon.
Pig-duon kan NBI na katumbas kan nadiskubreng resort an mga detalye sa sworn affidavit kan dating aide na si Rodulfo Gracioso Jr., kun sain sinabi kaini na nagdeliver siya nin dakulang kantidad nin kwarta sa mga resort na suboot binakal kan pamilya Duterte nganing magserbing storage asin drop-off points kan mga pondo.
An imbestigasyon kan ahensya, nagbuyagyag man nin pagkakaiba sa pag-ultanan kantidad kan propriedad na ipinahayag sa SALN ni Duterte asin kan opisyal na pag-analisar na ginibo suboot kan mga awtoridad.
An kantidad na ipinahayag sa SALN, mas hababa mantang an aktwal na pig-assess na kantidad kan propriedad, naireport na nasa P14 milyon sagkod P16 milyon.
Pig-aantisiparan kan ahensya na an mga tagasuporta ni Duterte mahihiling an lakdang na ini bilang “politically motivated.”
Sa ibong kaini, mantinido ni Matibag na sinusubaybayan sana ninda an financial pattern nganing malinawan an mga kahapotan mapadapit sa mga suboot iregularidad na imbuelto an milyones sa pondo ni VP Sara.
Padagos na piggagamit kan opisina an mga pinagkukuanan nin intelihensya kaini asin inasegurar na an bilog na imbestigasyon sa bagay na ini maagi sa tamang legal na proseso.
