Inenganyar ni Private Prosecutor Atty. Lorna Kapunan si Vice President Sara Duterte na simbagon an mga alegasyon katakod kan mga gastuson kaini asin kan saiyang opisina sa impeachment court, imbes na magsagibo nin mga press conference.
Segun ki Kapunan na posibleng taktika sana an mga press conference ngani na ilihis an isyu.
Nilinaw man kaini na dae na ninda planong ipaapod si Duterte bilang testugo huli ta pagsasayang sana ini nin oras.
Paliwanag kan batikang abogado na nahihiling ninda na tataramon sana kan bise presidente na wara siyang aram.
Sa ibong kaini, sinabi ni Kapunan na preparado siyang magboluntaryong mag-cross-examine ki Duterte enkasong ihampang ini kan depensa bilang testigo.
