LEGAZPI CITY-Naireport an duwang estudyante an binawian nin buhay makalihis suboot makuryente sa isinagibong “Bubble” Fun Run na kan Sabado, Oktubre 3, sa Cauayan City, Isabela.
Pirang minuto antes an insidente, an mga aki suboot an maogma pa sana, alagad sarong aki an nakuang wara ng malay.
Tulos na dinara kan sarong concerned citizen an aki sa rescue team. Mientrastanto, saro pang daragita an naheling na nagreresibe na nin CPR sa pagprobar na isalbar an buhay kaini.
Segun sa mga otoridad, apat na mga estudyante na nagpartisipar sa fun run, an tulos idinalagan sa ospital makalihis suboot na makuryente sa nasabing bubble party.
Duwa sa mga ini an pigdeklarar na dead on arrival sa ospital.
Nagpaluwas na nin pahayag si Department of Education (DepEd) Secretary Sonny Angara kun saen nagsasabi na igwa nang naipaabot na ayuda sa mga apektadong pamilya.
Sa ngonian, nagpapadagos pa an imbestigasyon kan mga otoridad ngani na maaraman an bilog na kawsa kan insidente.
