LEGAZPI CITY-Nag-alokar na an Sugar Regulatory Administration (SRA) nin pondo para sa cloud seeding operations sa Negros Occidental bilang preparasyon sa piglalaoman na epekto kan El Niño phenomenon.
Segun ki SRA Board Member Dave Sanson, kinumpirmar na nagpoon an cloud seeding operations kan Setyembre 14 sa probinsya na bisto sa apod na “Sugar Bowl of the Philippines.”
Sinabi ni Sanson na, susog sa weather forecast, dry spell sana an maeksperyensiyahan kan Isla kan Negros, bakong arog kan Luzon na posibleng mag-atubang nin total drought.
Ipinaliwanag kan opisyal na an pauru-utro na pag-uran nangyayari pa man giraray sa panahon nin tagmara; sagkod na an mga panganoron yaon sa atmospera, pwedisir ninda ining aprobitsran para sa pagtanom nganing mag-induce nin artificial na uran.
Nag-aandam na an Philippine Air Force (PAF) na gamiton an eroplano sa operasyon, mantang nakipag-olay man an SRA sa Bureau of Soils and Water Management (BSWM) kan Department of Agriculture (DA).
An bureau naghahagad man ngonian nin dagdag na pondo nganing ipadagos an cloud seeding sagkod sa Marso sa taong 2027 enkaso an epekto kan El Niño maglawig pa sa masunod na taon.
