Kinumpirma ni Lead Prosecutor Gerville Luistro na igwang records an Anti-Money Laundering Council (AMLC) dapit sa mga remittance na ipinadara sa Cale88 Foods Corp. hali sa China asin iba pang nacion.
Nagsayuma man si Luistro na ihayag an kantidad, mga nagpadara, petsa asin iba pang mga nacion na pinaghalian kan remittances huli ta nakabinbin pa an pormal na presentasyon kan AMLC sa impeachment court.
Hinapot man si Luistro kun igwang koneksyon an mga remittance sa negosyanteng si Jaime T. Cruz.
Alagad segun sa opisyal na dae pa maaaraman kun igwang siring na mga koneksyon hasta sa paghampang kan Anti-Money Laundering Council sa korte.
Pinaglalaoman na mahampang sa impeachment court si AMLC Secretariat Executive Director Ronel Buenaventura sa Oktubre 5 ngani na ilahad an nasabing financial records.
