LEGAZPI CITY-–Takdag sa kamot kan mga otoridad an Rank 9 regional most wanted kan Bicol sa durante kan pag-implementar nin warrant of arrest sa Barangay Tagas sa banwaan kan Daraga, Albay.
Binisto an akusado na si alyas “Boy,” 61-anyos, asin residente kan Barangay San Ramon, kan nasabing banwaan.
Naarestar ini sa bisa kan warrant of arrest na inisyu kan Abril 11, 2024 sa kasong two counts of rape na warang pigrekomendang piyansa.
Sa presente, nasa kustodiya na ini kan Daraga Municipal Police Station para sa magkakanigong disposisyon.
