LEGAZPI CITY-Ipigkonsidera ni Israeli Prime Minister na si Benjamin Netanyahu an nangyaring pagsaksak sa sarong piloto kan sarong kapwa piloto kaini, bilang sarong pagprobar na pag’atake nin mga terorista laban sa saindang nacion asin sa United Arab Emirates.
An identidad kan biktima—iyo an piloto na si Smit Machchhar hale sa India.
Pig-omaw man ni Netanyahu an piloto huli sa saiyang kabayanihan sa pagligtas kan nasa 174 na pasahero.
Sa ibong kan pagsaksak, nakaya pa kan piloto na maglaban asin buksan an pintuan kan cockpit ngani na maalerto an mga pasahero.
Nakipag-olay man si Netanyahu sa mga pasahero, na nagheras kan saindang mga eksperyensya asin nag-istorya kun pano sinda nakatabang na iligtas an eroplano sa pagbagsak.
Huli kan insidente, napiritan na mag-emergency landing an nasabing eroplano sa Saudi Arabia
