LEGAZPI CITY-Kinumpirma ni House lead Prosecutor Gerville Luistro na dai na ipi-presenta kan prosecution si dating Senador Antonio “Sonny” Trillanes bilang testigo sa nagpapadagos na impeachment trial kontra ki Vice President Sara Duterte.
Ginibo ni Batangas Rep. asin House lead prosecutor na si Gerville Luistro an manipestasyon sa ika-32 an aldaw kan impeachment trial, laban ki Vice President Sara Duterte, asin sinabing pinal na an desisyon kan panel.
Segun ki Luistro, nagdesisyon na dai ipresentar an dating senador na si Sonny Trillanes asin naghahagad sinda nin indulhensya kan honorable impeachment court para sa atrasadong pinal na posisyon.
“The prosecution has finally decided not to present former senator Sonny Trillanes. We seek the kind indulgence of the honorable impeachment court for the belated final position on this particular concern,” sinabi Luistro.
Dai man nagpahayag nin rason asin iba pang detalye si Lusitro manungod sa nasabing desisyon.
