Nagsakat pa sa panibagong record-high na P19.61 trilyon an kabilugan na outstanding debt kan gobierno sa pagtatapos kan bulan nin Agosto 2026.
Segun sa Bureau of the Treasury (BTr), nadagdagan nin P217.62 bilyon o 1.12% an national debt hali sa dating P19.39 trilyon kan Hulyo huli sa pag-isyu nin mga domestic government security asin pagluya kan kantidad kan piso kontra dolyar.
Sa kabilugan na kantidad kan utang, P13.24 trilyon o 67.53% an naghali sa mga local sources mantang P6.37 trilyon o poco mas o menos US$101.92 bilyon man an hali sa pangluwas na pinagkukuwaan basado sa ribayan na P62.50 kada dollar.
Nangangahulugan ini nin 10.72% na paglangkaw sa utang kan nacion kun ikumumparar sa P17.71 trilyon kan Disyembre 2025.
Pinaglalaoman man na malangkaw pa an kabilugan kan utang kan Pilipinas pasiring sa 2027 huli sa planong pangungutang kan gobierno nin dugang na P1.7 trilyon ngani na pondohan an pinaglalaoman na budget deficit.
