LEGAZPI CITY-Nasa walong katawo na an gadan sa Thailand huli sa makusog na pagbabaha sa ikaapat na aldaw kaini poon kan katahawan kan Setyembre.
Mientras tanto, nadanyaran man an kataid na nacion kaini sa Myanmanr, kun sain nasa walo katawo man an nairehistrong gadan huli sa makusog na pag-uuran.
An nasabing casualties, nairekord sa tulong provincia sa eastern Thailand poon kan Setyembre 16, basado sa Department of Disaster Prevention and Mitigation, mantang wara man nin nairehistrong casualty sa capital city.
Labi sa 500,000 households o katumbas nin 1.7 milyon na katawo sa 27 provincia an nadanyaran kan pagbabaha makalihis an pagtama kan intense weather system sa rehiyon.
Temporamenteng sarado ngonian an mga eskwelahan sa Thailand, asin ipigsugo an mga obrero na mag-work frome home muna.
Labing 80,000 katawo an dai nakaluwas sa saindang mga harong poon kan Lunes, sabi kan interior ministry, kabali an mga residente kan sarong apartment complex sa sirangang distrito nin Bang Kapi.
Wara man sindang suplay nin kuryente asin padagos an paglataw kan mga basura sa central courtyard asin carpark huli sa pagbabaha.
Pinagadalan na an bulan kan Setyembre, iyo an pinakahalangkaw na panahon kan tag-uran sa Thailand.
