Kinumpirmar kan Bureau of Immigration na sa presente, wara sa laog kan Pilipinas si dating House of Representatives Speaker Lord Allan Velasco.
Basado sa record kan ahensya, warang anuman na Hold Departure Order (HDO) o derogatory alert na mapugol sa paghali ni Velasco sa Pilipinas.
Nagsayuma man an ahensya na magtao nin iba pang detalye dapit sa immigration records kan dating opisyal huli sa privacy concerns.
Sa ibong kaini, sinierto man kan Bureau of Immigration na nagtetenir an saindang pagpapaotob kan immigration laws asin mga polisiya mantang pigsi-sierto an tamang proteksyon asin confidentiality kan mga personal na impormasyon.
Marurumduman na luminutang an nagpabistong dating security aide ni Velasco na si Rodulfo Gracioso Jr. asin basado sa sinumpaang salaysay kaini na nag-deliver nin maleta nin kwarta sa dating house speaker asin nagkapirang miyembro kan pamilya Duterte.
