Preparado an Commission on Elections sa anumang magiging desisyon kan Supreme Court katakod kan petition na nagku-kwestyon sa postponement kan Barangay asin Sangguniang Kabataan Elections.
Segun ki Comelec chairman George Garcia, preparado an poll body sa aspeto kan budget asin operasyon enkasong magpaluwas nin ruling an Supreme Court.
Sa ibong kaini, sinabi niya na dae na madadagos an BSKE sa orihinal na November 2 schedule huli ta enot na ipinapundo kan Comelec an gabos na election-related activities kasunod kan bagong ley.
Mientras tanto, uminabot sa P8 bilyon an nagastos kan Comelec para sa preparasyon sa 2026 BSKE, kaibanan an kagamitan, ballots, asin manpower.
Segun ki Garcia na pwedesir na gamiton sa mga masunod na pirilian an kadaklan sa mga na-procure na kagamitan basta maayos na nakatago.
An dae magagamit na pondo para sa BSKE an pwedesir man na itagama sa preparasyon para sa 2028 national elections.
Nakatalaan man na umabot sa P29.5 bilyon an propuestong 2027 budget kan Comelec sa irarom kan national expenditure program, mas halangkaw na 46% kumparar sa nakalihis na allocation huli sa paghahanda para sa 2028 elections.
