LEGAZPI CITY–-Kalaboso an sarong indibidwal na nagpa-practice suboot bilang sarong dentista sa kinundusir na buy-bust operation sa banwaan kan Juban, Sorsogon.
Segun ki Sorsogon Police Provincial Office Spokesperson Police Lieutenant Colonel Arwin Destacamento sa intrevista kan Bombo Radyo Legazpi, naresibe ninda an impormasyon kan piggibo kan suspek huli sa report kan pirang concerned citizens.
Durante kan operasyon, wara man na maipahiling na dokumentos an suspek na saro siyang lisensyadong dentista.
Sa presente, nasa kustodiya na ini kan Juban Municipal Police Station para sa magkakanigong proseso.
Mientrastanto, abiso ni Destacamento sa namamanwaan na mag-report sainda en kaso may manutaran nin siring na salang gibo nganing matawan nin interbensyon o tawan aksyon ngani man na dae na makapaminsala sa ibang tawo.
