LEGAZPI CITY-Isinalang bilang testigo si Police Major Joericson Sangalang kan PNP Firearms and Explosives Office an nagtindog bilang testigo kan prosekusyon sa ika-30 aldaw kan impeachment trial ni Bise Presidente Sara Duterte.
Ipigbuyagyag ni Sangalang na igwang 22 na badil an Bise Presidente—kabale an sarong Class-A light weapon na may kakayahan na mag-automatic fire—mantang an saiyang agom na si Atty. Mans Carpio igwa man nin 29 badil, kabale an sarong Class-A light firearm asin an saro na expired na an lisensya.
Segun sa prosecution panel, katuyuhan kan testimonya na patunayan na igwang kapot na labing 50 badil an mag-agom na nagkakantidad nin dai mababa sa P7 milyones; an mga ini dapat na separadong idineklara bilang personal na mga pagsadiri sa saiyang Statement of Assets, Liabilities, and Net Worth (SALN).
An nagkapirang senator-judges, nagkwestyon kan pagkakalaen kan ebidensya sa kaso, alagad an prosekusyon nag-insistir na an lambang rehistradong armas dapat na ideklara sa SALN.
Tinugutan man ni Presiding Officer Chiz Escudero na magpadagos an testimonya alagad pigmandohan an prosekusyon na padalion an proseso, na pignotar na an testigo bakong partikularmenteng akma sa isyu kan dai maipaliwanag na kayamanan ni Bise President Sara Duterte.
