Nakipartisipar an Pilipinas sa ginibong walkout sa United Nations General Assembly mantang pasakat sa entablado si Israeli Prime Minister Benjamin Netanyahu ngani na magtalumpati kan Huwebes, segun sa kumpirmasyon ng Department of Foreign Affairs (DFA).
Inihayag ni DFA spokesperson Analyn Ratonel na an pakikipartisipar kan nacion sa walkout an nagpapahiling nin pakikisumaro para sa katoninongan sa Middle East asin pangapudan sa gabos na lado na ipundo na an aksyon na nakakaraot sa kondisyon kan katrangkiluhan.
Sinabi kan DFA na nagtetenir na nahahadit an nacion sa naglalalang krisis sa Gaza, sa pagbubusol kan Israel sa E1 settlement plan, asin sa padagos na paglangkaw kan kadahasan sa West Bank.
Tinawan duon ni Ratonel na an mga siring na lakdang an nakakaulangt sa pag-abot kan makatarungan, panghaluyan asin kumpletong solusyon sa hidwaan sa Middle East, mantang padagos na nagsusuporta an Pilipinas sa two-state solution.
Marurumduman na inapod man ni Netanyahu na mga moral coward ang mga opisyal na nakisabay sa protesta, kun sian ini an ika-tulong magkakasunod na taon na ginibuhan siya kan pag walk out kan mga delegado puon kan saiyang talumpati kan taong 2024 asin 2025.
