LEGAZPI CITY-Pigpapaotob na an P60 daily wage increase para sa mga minimum wage earners sa National Capital Region (NCR) na nag-eepekto ngonian na aldaw, Setyembre 26, sa irarom kan Wage Order No. NCR-28.
Pigkakarkulong 1.1 million na daily wage earners sa Metro Manila an nakatalaan na makinabang sa pay hike.
Kasunod kaini, nagpagirumdom an Department of Labor and Employment (DOLE) sa mga employers na magsunod sa bagong wage rates, oras na magin epektibo an orden.
An Federation of Free Workers (FFW) nag-ako kan paglangkaw kan sweldo alagad nag-asegurar na ini nagtetenir na kulang nganing makaya an padagos na paglangkaw kan presyo kan mga pundamental na barakalon asin iba pang gastos na pigaatubang kan mga obrero.
Sa irarom kan Wage Order No. NCR-28, an nangingibabaw na minimum wage sa NCR nakatalaan na maglangkaw bilang parte kan wage adjustment na inaprobaran kan Regional Tripartite Wages and Productivity Board.
