LEGAZPI CITY-Natapos na an tulong aldaw na pagbisita kan Presidente kan Tsina na si Xi Jinping sa Estados Unidos.
Ilinadawan ni U.S. President Donald Trump na produktibo an saindang pagtiripon.
Kabali sa mga konteksto na pinag-olayan kan duwang lider, iyo an importansya kan Artificial Intelligence asin an pangangaipo na maibitaran an gera sa Iran.
Idinagdag ni Trump na an mga paraoma kan Estados Unidos, maoogma sa pagbisita kan Presidente kan Tsina, maski ngani dai siya nagtao nin dugang na detalye mapadapit digdi.
Mientrastanto, inimbitaran kan Presidente kan Tsina si Trump na magbisita man sa Tsina.
May posibilidad na magtuparan liwat sinda sa huring parte kan taon na ini, arog kan mga miting kan APEC sa Tsina asin sa G20 summit sa Estados Unidos.
Mainit na inako ni Trump an imbitasyon ni President Xi na magbisita sa Tsina.
