LEGAZPI CITY-Nangangapudan si Senador Bam Aquino na haleon na an Value-Added Tax o VAT asin Excise Tax sa mga produktong petrolyo sa nacion.
Nagtutubod an mambabatas na nagtitios o nakakamati nin kasakitan an mga Pilipino huli sa paglangkaw kan presyo kan produktong petrolyo.
Katakod kaini, pigtuyaw kaini an pahayag ni Finance Secretary Frederick Go na an mga mayayaman sana an makikinabang kun hahaleon an siring na buwis sa gasolina o diesel.
Alagad nanindugan an Senador na mas dakul na sector an makikinabang kun mahale na an mga nasambitang buwis sa mga produktong petrolyo.
Orog niyang pigtutukoy an rinibong mga drayber, operator kan jeepney, taxi asin iba pang pampublikong behikulo na nagsasarig sa produktong petrolyo para sa saindang kabuhayan.
Huli kaini, segun pa sa senador dapat na gamiton kan gobierno an poder na itinao kan Kongreso ngani na isuspendir an pagkolekta nin excise tax sa langis sa nacion.
