LEGAZPI CITY—Pighayag kan Legazpi City Hospital na sa ngunyan an pabago-bago an numero kan mga pasyenteng tinamaan nin dengue sa saindang ospital.
Segun sa pahayag ni Legazpi City Hospital Administrator Dr. Michael Galan, na may mga aldaw na halangkaw an census kaini alagad may nagkapirang aldaw na hibaba an saindang nairerehistro.
Ngunyan na bulan kan Setyembre, nag-aabot na sa haros 100 an saindang nairerehistrong kaso kan helang.
Segun sa opisyal na boot-sabihon kaini na dae pa masasabi na nagbababa na an kaso urog na sa naunambitang ospital.
Pagdoon niya na naasikaso nin maray an mga kaso sa saindang ospital.
Dugang kan opisyal na nagdudugang sinda nin higdaaan sa luwas nganing maakomodar an gabos na tinamaan kan nasabing helang.
Mientrastanto, sienerto niya na pigggibo gabos kan saindang ospital nganing mamanehar nin matanos an gabos nindang pasyente.
