Inanunsyo ni Finance Secretary Frederick Go na pinirmahan niya an resolusyon na naghahali kan buwis sa mga Liquefied petroleum gas (LPG) asin kerosene.
Ginibo kan kalihim an anunsyo sa kasagsagan kan budget hearing sa Senado para sa Department of Finance.
Alagad ipinaliwanag kan Department of Finance na dae ninda hahalion an excise tax sa diesel asin gasolina huli ta magreresulta ini sa pagkalugi kan nacion nin nasa P12 billion kada bulan.
Dugang pa ni Secretary Go na kun mahali an buwis sa gasolina asin diesel, an mga mayayaman sana an makikinabang huli ta sinda an makusog gumamit kan nasabing mga produkto.
Imbes na, ginibo na sana kan gobierno an pagbabarewas nin subsidiya sa mga vulnerable sectors mantang naglalangkaw an presyo kan langis sa nacion.
