Nagpahayag nin interes an limang ekonomiya na magbali sa Regional Comprehensive Economic Partnership (RCEP) kasabay kan pagmamawot kan Association of Southeast Asian Nations (ASEAN) na pahewason an kasapian kan nasabing regional trade bloc.
Basado sa opisyal na pahayag makalihis an 58th ASEAN Economic Ministers’ Meeting sa Maynila, inihayag kan lupon na pormal nang naghahagad nin accession sa RCEP an Hong Kong, Sri Lanka, Chile, Bangladesh, asin Uruguay.
Mainit na tinanggap kan mga ministro kan ekonomiya kan ASEAN an mga pangenot na lakdang para sa pagpapahewas kan RCEP asin nangapudan nin padagos na pagmamawot na maiusad an proseso kan pagtanggap sa mga bagong miyembro.
Tinawan duon kan ASEAN an pinakusog na kasunduan sa Regional Comprehensive Economic Partnership an dapat na magtenir na moderno, preparado sa futuro, asin marikas na nakakatugon sa nagbabagong kalagayan kan regional asin pangkinaban na ekonomiya.
An RCEP na pinangengenotan kan ASEAN an nagsasakop sa malayang kalakalan kan mga produkto asin serbisyo, pamumuhunan, intellectual property, asin electronic commerce sa bilog na rehiyon.
Ipigsaladawan kan mga ministro an RCEP bilang sarong pangenor na haligi k an rehiyonal ka kalakaran na nagpapakusog sa mga supply chain asin nagpapararom sa pamumuhunan asin kalakaran kan mga member countries.
