LEGAZPI CITY-Nakapagrehistro an Philippine Institute of Volcanology and Seismology (PHIVOLCS), nin 1,261 tonelada nin Sulfur Dioxide, 17 volcanic earthquakes, asin sarong volcanic tremor sa Bulkang Mayon sa bilog na magdamlag.
Susog sa pinakahuring datos kan ahensya, mantang nagbaba an aktibidad kaini, nakapagbuga ini nin abo nin 3 beses na sa laog nin 1-2 minutos.
Nagtetenir sa alert level 2 an Bulkang Mayon, mantang mahihiling man liwat an Banaag o Crater Glow sa crater kan Bulkan.
Nairehistro man an 750 meters na plume sa crater kaini.
Mientras tanto, nagpapagirumdom liwat an Phivolcs na likayan an paglaog sa 6km permanent danger zones.
