Pinal na suboot an desisyon ni Senador Robin Padilla na dae madalagan sa anumang posisyon sa 2028 elections, mantang nakaplanong lumipat sa sarong Islamic country kaiba an saiyang pamilya.
Naenot nang nagpahiwatig si Padilla na bukas siyang maging running mate ni Vice President Sara Duterte makalihis sindang magluwas bilang nangengenot na pangaran sa pirang survey para sa 2028 elections.
Kalaunan, binawi niya ini asin sinabing dae siya nababagay sa politika.
Kan Biyernes, inanunsyo ni Padilla na dae na siya madalagan sa anumang posisyon sa masunod na eleksyon.
Mapadagos man suboot siya bilang sarong rebolusyonaryo, kasabay kan pagbanggit sa plano nindang paglipat kan saiyang pamilya sa sarong Islamic country.
Kabale sa mga nacion na pig-oolayan ninda an Brunei asin Malaysia, siring man an pirang Scandinavian countries.
Mientrastanto, sa nasabing post, nagbanggit man si Padilla nin pirang personalidad na mawot niyang mahiling maging tandem ni Duterte, kabale sinda Senate Minority Leader Alan Peter Cayetano, Senators Imee Marcos, Christopher “Bong” Go, Ronald “Bato” dela Rosa asin Rodante Marcoleta, pati na si Salvador Panelo.
