LEGAZPI CITY-Maabot sa 63 milyon na mga pasahero na naggagamit kan EDSA Busway taon-taon an pwedisir maapektaran kun an proyekto kulang sa pondo sa taong 2027.
Segun ki Acting Transportation Secretary Giovanni Lopez, nangangaipo an Department of Transportation (DOTr) nin P1.756 billion na pondo para sa pagpapadagos asin modernisasyon kan EDSA Busway Project.
Sa pagdangog kan Senate Subcommittee on Finance, sinabi ni Lopez na labing 60-Milyon na pasahero an naggagamit kan EDSA Busway kan 2025, asin pigkakarkulong 63-Milyon an madepende digdi kada taon.
Kun wara nin pondo, an mga proyekto para sa pagpakarhay kan mga Busway station, , kaiba an mga elevator para sa mga senior citizens, asin PWDs, siring man an paglinig asin seguridad kan istasyon, posibleng maatraso.
Kasabay kaini, ginigibo kan ahensya an rehabilitasyon kan mga istasyon sa Bagong Barrio, Balintawak asin Guadalupe, kasabay kan pagtugdok man nin mga bagong istasyon sa Cubao, Magallanes asin PITX.
Enot na sinabi kan ahensya na zero allocation an itinagama sa nasabing Busway Project para sa taong 2027 huli sa mahiwas na fiscal space kan gobierno.
Afuera kan busway, zero man an alokasyon kan Service Contracting Program asin Fuel Subsidy Program na parehong may P5-Bilyon na pondong pighahagad kan departamento.
An propwestong budget kan DOTr para sa taong 2027 pigkakarkulong maabot sa P300.96-Bilyon pesos.
