LEGAZPI CITY-Nagkasa an Opisina kan Ombudsman nin sarong imbestigasyon sa nadiskubreng scheme nin pandadaya na imbuelto an “nformation Technology Systems projects” sa nacion.
Si Assistant Ombudsman Atty. Mico Clavano mismo an nagbuyagyag kan mga detalye kan inaapod na “ghost internet scheme” na nadiskubre kan ahensya.
Ipinaliwanag kaini na imbuelto digdi an mga proyektong pinondohan nin bilyones de pesos para sa IT systems na kaipuhan kan mga ahensya kan gobierno.
Mantang an mga sangkap kan hardware—arog kan mga router asin makina—nag-aagi sa pagrepaso, na dai suboot kabale digdi an pag-inspeksyon sa kaibang ‘softwares’.
Digdi suboot malaog an loophole: na an mga kontratista igwa nin oportunidad na gumamit nin mas barato, lihis na sa panahon, o pekeng software mantang pigsisingil pa man giraray sa gobierno an bilog na kantidad.
An Ombudsman nag-iimbestigar na ngonian kan bagay na ini, partikularmente an nakakalusot suboot an‘overpricing’ na ‘softwares’ na dai nababantayan.
Segun ki Ombudsman Spokesperson Clavano, an Department of Information and Communications Technology (DICT) an magigin sentro kan saindang imbestigasyon.
Sa ngonian, an Department of Information and Communications Technology nagsayuma na magkomento sa isyu.
Dai pigdetalye niClavano an mga partikular na proyekto, na nagsasabi na yaon na sinda ‘fact-finding stage’.
