Pigsugo ni Presidente Ferdinand Marcos Jr. an Department of Education, Department of the Interior and Local Government, asin Philippine National Police na i-report an mga lakdang na saindang pigpapaotob ngani na pakusugon an seguridad sa mga eskwelahan.
Kasunod ini kan pambabadil sa Banga National High School sa South Cotabato na ikinagadan suboot nin tulo, kaibanan an 16-anyos na suspek, asin ikinairido nin walong iba pa.
Pigsugo man kan presidente an hirarom na imbestigasyon, partikular kun papano nakakuwa nin badil an menor de edad asin kun papano nailaog sa eskwelahan.
Marurumduman na inihayag kan lokal na gobierno na nakuwa kan suspek an 9-mm pistol kan saiyang ama sa sarong secured vault.
Sinabi ni Marcos na dae dapat maging normal naparte kan buhay kan mga estudyante an school shootings.
Sinierto man kaini na makakaresibe nin kinakaipuhan na medical assistance an mga biktima, mantang naghahanda an DepEd nin psychological first aid asin mental health support para sa mga apektado.
An insidente sa Banga an ikatulong fatal school shooting sa nacion sa laog san anin tulong bulan, makalihis an pambabadil sa Tacloban city kan Hunyo asin Ateneo de Zamboanga University kan Agosto.
