Kinondena kan National Task Force for the West Philippine Sea o NTF-WPS an suboot pagbangga kan China Coast Guard o CCG vessel sa barko kan Bureau of Fisheries and Aquatic Resources o BFAR sa West Philippine Sea.
Segun sa NTF-WPS, nagsasagibo nin lehitimong civilian mission ang BRP Datu Magat Salamat nin pauro-utro suboot magsagibo nin maniobra ang CCG vessel 21585 bago ini bumangga sa barko ng Pilipinas.
Nangyari ang insidente sa rayong 6.36 nautical miles hilagang-kanluran kan Abad Santos Shoal asin nasa 54 nautical miles hale sa baybayon kan Palawan, sa laog kan exclusive economic zone o EEZ kan Pilipinas.
Naraot an starboard side ng BFAR vessel, kabale an mga ralling, metal stanchions asin support structures, siring man an pirang deck fixtures asin equipment. Susog sa NTF-WPS, nabugtak man sa peligro an mga civilian crew.
Pagdoon kan NTF-WPS, seryosong paglabag sa international maritime rules ang insidente, kabale an 1972 COLREGs, UNCLOS asin 2016 Arbitral Award.
Nanindugan an task force na padagos na idepensar kan Pilipinas an direchos asin kapakanan kan mga parasisira asin isasagibo na mga lehitimong misyon sa West Philippine Sea nin may pagpupugol asin propesyonalismo.
