LEGAZPI CITY-Nakaresibe nin asistensya hale sa ‘Presidential Assistance for Farmers and Fisherfolk’ (PAFF) program an mga paraooma asin parasisira sa provincia.
Segun ki, DA Bicol Spokesperson Lovella Guarin, sa intrevista kan Bombo Radyo Legazpi na gabos na provincia, nagkaigwa nin roll out hale sa nabanggit na programa kun sain benipisyaryo an mga parasasara asin magsasaka, na nagtatanom nin mga high value crops asin rehistrado.
Enot suboot ini asin inisyal na mga benipisyaro kan programa kun sain naipanao sa kantidad na P1.7 milyon sa manlain-lain na provincia.
Kabale sa mga itinao an mga inputs, binhi, fertilizers, mga garden tools asin iba pa.
Katuwang man an mga loval government units sa pagsasagibo kan lakdang kun sain sabay-sabay na pigsasagibo ini sa mga provincial offices kan kada provincia.
Mientras tanto, wara pa man suboot na nairehistrong danyos huli sa El Niño mantang padagos man an pag-uuran asin mas pina-amay an cropping season ngani dai maapektaran an mga pananom.
