LEGAZPI CITY-Pig-eenganyar an publiko pigeenganyar na isustenir an pagsasagibo nin clean-up drive sa mga eskwelahan asin kaharongan sa tahaw kan kampanya laban sa Dengue.
Segun ki Schools Division Office of Legazpi Spokesperson Santi Araña, sa intrevista kan Bombo Radyo Legazpi na matrayumpo an aktibidad asin igwang instruksyon ngonian na padagos na isagibo an paglilinig sa kapalibutan, orog na mapoon na liwat an klase makalihis isuspinder ini ngani makapaglinig sa mga eskwelahan.
Katuwang man suboot ninda an City Government of Legazpi asin Health Office sa paglinig sa mga eskwelahan ngani malikayan an kaso kan Dengue.
Parte pa kan istruksyon sa mga eskwelahan asin mga school heads, na bako sana ngonian dapat magsagibo nin paglilinig alagad dapat manteniron ini ngani maibitaran an paglakop kan mga lamok asin manteniron an malinig na kapalibutan.
Magsasagibo man suboot nin meeting sa mga eswekalahan an saindang opisina ngani manteniron an kalinigan asin isagibo an 4 oclock habit kun ano an isasagibo nindang lakdang para sa kaligtasan kan lambang saro.
