Ipigduon kan tagapagtaram kan Senate Impeachment court na dapat nagsumiter an depensa ni Vice President Sara Duterte nin formal motion to quash ngani na kwestyunon an subpoena ki retired Sandiganbayan Justice Amparo Cabotaje-Tang.
Segun ki impeachment court spokesperson Reginald Tongol, kaipuhan sanang isunad an nasabing mosyon antes magtukaw si Tang bilang testigo ngani na matawan nin due process an lado na nagku-kwestyon sa subpoena.
Ipinaliwanag man kan defense spokesperson na si Atty. Michael Poa na dae sinda nagsumiter nin motion to quash huli ta magiging premature suboot ini kan enot, huli ta bako pa malinaw an hewas asin magigin laog kan testimonya ni Tang.
Mientras tanto, sinabi kan prosecution na ipinaagi an subpoena ki Tang sa opisina ni house prosecutor Rep. Chel Diokno ngani na protehiran an privacy, seguridad kan retired magistrate, urog nang wara ining ibang address na pwedesir na gamuton kundi an saiyang harong.
