LEGAZPI CITY-Natanggal na sa trono bilang kampeon sa men’s basketball sa Asian Games an Gilas Pilipinas huli sa pagkadaog sa China sa score na 105-61 kan Lunes sa group stage sa Japan.
Kaipuhan kan Pilipinas an kapangganahan—o pagkadaog nin 37 puntos o mas hababa pa—nganing makaabante sa quarterfinals. Alagad, an 44-puntos na pagkadaog an naghale ki Gilas sa laban.
An Jordan, na nagtapos na may -5 point differential, asin an Saudi Arabia sa -11, naglataw bilang an duwang pinakamarahay na ikatolong pwesto na mga koponan na nakaabante sa quarterfinals.
Natapos kan Gilas an group stage na may 1-2 na rekord, mantang an Bahrain asin China nakaabante sa quarterfinals.
Sa 79-40 sa katapusan kan ikatolong kwarter, an Gilas nagkaigwa nin dikit na paglaom pagkatapos na nabawasan an deficit sa 81-46 sa 8:07 mark kan huring frame.
Alagad, an China nagsimbag nin 7-0 na score ngani makahale asin maunat an bentahe kaini sa 40.
Dai nakua kan Gilas an saindang comeback attempt, maski pa Calvin Oftana nakipaglaban sa huring kabtang kan kawat, nakapuntos nin walong puntos sa final stretch.
Mas agresibo an China sa bilog na kawat, na nag-shoot nin 51% hale sa court kumpara sa 32% shooting kan Pilipinas. Dinomina kan China an laban sa rebounding, na nakakua nin 55 rebounds kumparar sa 36 kan Pilipinas.
Si Oftana nangenot sa Pilipinas na may 13 puntos, mantang si Barefield nagdagdag nin siyam na puntos, apat na assists, asin sarong rebound.
Si Wang Junjie naman an nangenot sa China na igwang 20 puntos.
An Pilipinas nagbukas kan group stage sa 89-85 na pagkadaog sa Bahrain bago nagbalik sa 109-78 na kapangganahan laban sa Kazakhstan.
