LEGAZPI CITY-Kinuwestyon ni Senador-Judge Chiz Escudero an paglaog kan “business interest” field sa Statement of Assets, Liabilities, and Net Worth (SALN) forms na kaipuhan na i-fill-out kan mga pampublikong opisyal.
Si dating Sandiganbayan Presiding Justice Amparo Cabotaje-Tang, dati nang nagsabi na an mga halangkaw na opisyal kan gobierno—partikularmente an Presidente asin Bise Presidente—dai dapat maglaog sa anuman na negosyo.
Sinabi man ni Tang na an Civil Service Commission (CSC) nagtatao nin standard form kan SALN para sa mga opisyales, arog kan Presidente o Bise Presidente, na dapat kumpletuhon kun naggigibo an saindang mga deklarasyon.
Sa ibong kaini, pigkwestyon ni Escudero an kinakaipuhan na pagbugtak kan section na “business interest” sa form kun bawal an mga opisyales na ini na magnegosyo.
An retiradong judge nagpaliwanag na an mga pampublikong opisyales pwedisir markahan sana an seksyon na ini bilang ‘not applicable’.
Nagkaraw man si Escudero na posibleng maglaom an CSC na igwang madudulas na public official kaya inilalaag pa sa SALN form an ‘business interest’.
