LEGAZPI CITY-Agrangay liwat kan grupo nin transportasyon sa provincia kan Sorsogon.
Segun ki SOINTRAFED President Ramon Dealca, sa intrevista kan Bombo Radyo Legazpi na maski igwang pigpapaotob na fuel subsidy an gobierno, dai man suboot nin nangyayari asin pirmihan man na “offline” an mga gasoline stations.
Segun saiya na basado sa mga reports na dai suboot nababayadan kan gobierno an mga gasoline stations kaya dai man suboot nagagamit an promisang subsidiya asin an epekto suboot kaini, makaherak na naman an mga drivers.
Pangapudan man ninda na tutukan nin maayos ini huli ta sa bilyon na pondong itinagama, dapat na ibugtak ini sa tama, para sa pagtabang sa sektor kan transportasyon.
Mientras tanto, wara man suboot sindang naresibeng komunikasyon manungod sa ikakasang transport strike kan grupong Manibela, kaya dai sierto kun masabay sinda sa pagparalisa kan transportasyon sa masunod na semana.
