LEGAZPI CITY—Nagpadara an Albay Police Provincial Office nin nasa 312 kapulisan para sa pigsasagibong selebrasyon kan Peñafrancia Festival sa Naga City.
Segun ki Albay PPO Spokesperson Police Captain Kharen Formales, sa intrevista kan Bombo Radyo Legazpi, nagpuon an pag-augment kan saindang personahes kan Setyembre 10 asin naka-deploy an mga ini sa mga strategic areas.
Antes pa man idineploy sa ciudad nagkaigwa muna an mga ini nin briefing asin inaram muna an kapasidad kan kada unit kan saindang personahes.
Segun sa opisyal obheto kan lakdang nganing matabangan an Naga City Police Station na mamantinir an paz y orden asin seguridad durante kan naunambitang selebrasyon.
Mientrastanto, liwat na nangapudan si Formales sa publiko na magtarabangan nganing malabanan an anumang klase nin kariribokan asin krimen bako sana sa provincia kundi sa bilog na rehiyong Bicol.
