Makaka eksperyensya nin pag-uran an dakulang parte kan Luzon asin nagkapirang parte kan Visayas ngunyan na Miyerkules huli sa southwest monsoon o habagat.
Apektado kan habagat an Metro Manila asin dakulang parte kan Luzon, kaibanan an Zamblaes, Bataan, Pangasinan, Tarlac, Pampanga, Cavite, Batangas, asin Occidental Mindoro.
Mientras tanto, laoman man na magdadara nin kalat-kalat na pag-uran asin thunderstorms sa lugar kan Cagayan Valley, Cordillera Administrative Region asin Aurora.
Posible man na maka eksperyensya nin pag-uran an Aklan asin Antique, mantang isolated rain showers asin thunderstorms man an posibleng ma-eksperyensyahan sa ibang parte kan Visayas.
