LEGAZPI CITY-Labing 200 na biyahe pasiring asin hale sa kabisera kan Indonesia na Jakarta an temporaryong kinanselar asin naatraso kansubagong aga, alas 1:30 (Oras kan South na Indonesia), Setyembre 6.
Sinundan ini kan temporaryong pagsarado kan Soekarno-Hatta International Airport pagkatapos na magtuga an bulkang Anak Krakatau asin magbuga nin mahibog na abo, na nag-ipit nin mga na 23,000 na mga biyahero.
Mientrastanto, segun sa geological agency kan Indonesia, nagpahiling na nin senyales nin aktibidad an bulkan kan Sabado bago magtuga bandang alas 3:53 nin aga ngonian na aldaw nin Domingo.
An abo na pigbuga kan bulkan nakaabot man sa mga parte kan Jakarta asin probinsya nin Lampung, alagad wara pang nairehistrong casualty o danyos an mga lokal na awtoridad.
Kan 2018, an pinakamapaminsalang pagtuga kan Anak Krakatau sa modernong panahon an nairehistro na nagkawsa nin tsunami asin guminadan nin nasa 430 katawo.
