LEGAZPI CITY-Binuksan na liwat an klase sa sarong eskwelahan sa Thailand kun sain nangyari an pambabadil kan sarong estudyante, tulong semana na an nakaagi.
Huli digdi, mas pinakusog an seguridad sa eskwelahan asin igwa ng pulis na nakadeploy asin mga ma-check kan mga bag kan mga estudyante.
Marurumduman na sarong 14-anyos na estudyante sa Thailand an binadil-gadan an pitong tawo kabali an saiyang sadiri sa Debsirin Nonthaburi School sa luwas kan kabisera kan Bangkok kan Agosto 7, ini makalihis badilon an saiyang mga lolo asin lola gadan sa saindang harong.
An pangyayaring ini an nagpukaw nin debate manungod sa pagkontrol kan badil sa nacion.
Mientras tanto, sarong screen sa entrada kan nabanggit na eskwelahan kan Martes an ngonian nagpapahiling kan mga pangaran asin imahe kan mga nagadan, mantang an mga puting laso nakabugkos sa mga gate bilang paggirumdom sa sainda.
Apwera sa gunman, sarong estudyante asin limang staff man an nairehistrong nagadan sa insidente.
