Rinibong pasahero an na-octaba an biyahe sa pangenot na erpuerto sa Kenya makalihis maglaog an ika-duwang aldaw kan “go-slow strike” kan mga empleyado.
An nasabing protesta sa Jomo Kenyatta International Airport an pinangenotan kan Kenya Aviation Workers’ Union (KAWU) huli sa dae pagkakasunod sa collective bargaining agreement asin kawaran nin kooperasyon hali sa mga opisyal kan erpuerto asin airline companies.
Huli sa sitwasyon, nagkapirang erpuerto asin airline an nagkanselar kan saindang mga biyahe pasiring sa Nairobi huli sa naging problema sa air traffic control.
Inabot nin labi sa 12 oras an nagkapirang pasahero sa paghahalat sa airport antes dagos na naabiso na kinanselar o nilipat sa masunod na aldaw an saindang flight.
Padagoa man an pakikipag-olay kan pamayuhan kan KAWU sa mga opisyal kan gobierno ngani na resolbaron an isyu, alagad nagtetenir na naga-iral an strike mantang nagpapadagos an negosasyon.
