LEGAZPI CITY-Mas pinahigot pa an Pork by-products ban sa isla kan Catanduanes, huli sa posibleng huma kan African Swine Fever (ASF).
Segun kay Catanduanes Provincial Veterinarian Dr. Ramil Evangelista, sa intrevista kan Bombo Radyo Legazpi na nasa 19 hogs an napag-araman na nakalaog sa provincia gikan sa Camarines Sur durante kan pagpapaotob kan ban alagad tulos na naibalik ini.
Mahigot man an saindang direktiba sa mga shipping line pa sana, maski igwang mga kumpletong permit basta mga by-products nin urig an dai pinagbabawalan na mailaog sa provincia.
Posible man suboot na maghaloy pa an ban nin duwa sagkod tulong bulan alagad pigsisierto man na bastante an saindang mga suplay.
Sa presente, nasa P270 an presyo kan karneng urig asin pinagdedesisyunan pa kan board kan farm gate price an presyo ngani dai malugi an mga hog raisers asin an mga paratienda.
Kadaklan suboot sa mga naglalaog sa provincia, gikan sa San Jose Camarines Sur, huli ta ini an pinakaharani sa Catanduanes.
Abiso man kan opisyal sa mga residente na wara pang kumpirmadong kaso sa ngonian sa provincia, asin padagos an saindang lakdang ngani maprotehiran an isla laban sa African Swine Fever o ASF.
