LEGAZPI CITY-Naarestar an sarong lalaki sa banwaan kan Malilipot, Albay huli sa illegal logging.
Segun ki Malilipot Municipal Police Station Police Major Joseph Melitante, sa intrevista kan Bombo Radyo Legazpi na sarong 26-anyos an lalaki, construction worker, asin residente kan Malilipot, Albay.
Naarestar ini sa bisa kan ipinaluwas na manhamiento de aresto kan Regional Trial Court sa Tabaco City.
Nakumpiskar digdi an nasa 190 na pidaso nin kahoy na nagkakantidad nin P11,000.
Nagpatanid an pulisya sa gabos na magbabalgar digdi na pwedisir makulong nin 6 na taon sagkod 12 taon an madakop na imbuelto sa illegal logging asin papatawan nin multa depende sa kahoy na pigkua o sa desisyon kan korte.
Nagpagirumdom man si Melitante, na punduhon na an siring kaining gibo huli apektado kaini an kapalibutan asin nagbabalgar ini sa environment law.
